24 қазан күні Үстірт жалпы білім беретін мектебінде математика-жаратылыстану пәні мұғалімдерінің аудандық олимпиадасы өтті. Білім мен кәсіби шеберлік сынға түскен додада Күйкен жалпы білім беретін мектебінің мұғалімдері жоғары нәтиже көрсетті.
Атап айтсақ, география пәнінің мұғалімі Тастемірова Айгерім үздіктер қатарынан көрініп, І орын иеленіп, облыстық кезеңге жолдама алды. Ал химия пәнінің мұғалімі Эсмуханова Гуласел ІІІ орынды жеңіп алып, мектеп абыройын асқақтатты.
Білімі мен еңбегі еленген әріптестерімізді шын жүректен құттықтаймыз! Облыстық кезеңге жолдама алған әріптесіміз Айгерімге сәттілік тілейміз.
